Júhú.. Ég er í stuðinu í fríi jájájájá! :D Hahha... Komin í verðskuldað frí, hætti á leikskólanum á þriðjudag í síðustu viku, var nánast skælandi allan daginn og fékk svo alveg ótrúlega krúttulega kveðjugjöf og fékk þá lítið tár í augun :$ En já, það var soldið erfitt að kveðja litlu krílin mín, en þetta er svona í lífinu víst... Síðan er ég bara búin að vera dugleg að reyna að slaka á eins og ég mögulega get og vinna upp tapaðan svefn og svona... Mjög næs... Svo er bara allt á fullu í hausnum á manni þessa dagana, þvílíkur kvíði fyrir þessari háskólavist sem maður á að fara að byrja á eftir viku núna.. : Er alveg að kafna úr kvíða, en það lagast eflaust...
Menningarnótt var um helgina, þvílík menning á liðinu heheh... Ég veit ekki, þetta verður sífellt meira bara svona risastórt samansafn af alltalltalltof drukknu fólki en það var samt alveg stuð þarna sko :) Ég meira að segja tók mig til og spjallaði eilítið við engann annan en Heiðar Austmann hahha... Svo að þetta var mjög athyglisvert :D
Jájájájájá... Annars er ég bara alltaf í stuðinu og ég hvet fólk eindregið til að vera í bandi við mig því ég hef alltaf gaman að því :P En nú nenni ég bara hreinlega ekki að skrifa meira... Búin að skrifa nóg :P
Later darlings :P

Júhú! My darlings... Ég skal segja ykkur það að það er sko MÁNUDAGUR í dag!! : Merkilegt að sama hvað maður ætlar að vera duglegur hverja einustu helgi þá enda ég ALLTAF jafn mygluð, ef ekki myglaðri hvern einasta mánudag... Ég meira að segja gerðist svo fræg í dag að sofna í vinnunni í hvíldinni, fór að dreyma og var næstum því búin að GARGA upp úr svefni, en vaknaði rétt í tæka tíð þannig að þetta varð bara lágvært hljóð sem reyndar hinar konurnar heyrðu og hlóu mikið að en var ekki til að trúbbla börnin mín :)
Já, helgin var nú samt alveg með eindæmum skemmtileg þrátt fyrir að vera soldið þreytandi :P Það var vel tekið á því á djamminu á föstudagskveldið og ég hitti tvo gamla félaga sem ég djammaði bara með alein í smá tíma, eða þar til ég var bara sótt á djammið og látin fara heim ;) Reyndar var ég ekki mikið á móti því að fara heim en það er allt annað mál... Síðan á laugardag þá var ég bara búin á því og sagðist sko EKKI ætla að djamma neitt að ráði, bara kannski í mesta lagi kíkja smá... Svo þegar ég fór svona að nálgast bæinn þá bara horfðu málin allt öðruvísi við og ég bara hrökk í gírinn skohh! Enda var alveg stappað í bænum enda var náttúrulega Gay Pride á laugardaginn :) En síðan var Anna mín orðin svo þreytt og við ákváðum að hypja okkur bara, skildi hana mjög vel, búin að djamma svona mikið nóttina áður og var svo að fara að vinna á sunnudaginn svo að hún skutlaði mér heim... En ég lét mér ekki segjast og var boðið í partý þar sem ég þekkti engann, en lét það ekki stoppa mig og kíkti við og skemmti mér bara svona líka vel... Svo skutlaði ég liði út um allt og var alveg á fullu að keyra í vonda veðrinu... Sem síðan fólkið sem ég var að skutla mundi ekki eftir?! ;D Hahha... Já, þetta getur verið skemmtilegt, ég mætti síðan heim til mín eitthvað um 7 leytið í gærmorgun og þá var það mitt fyrsta verk í ausandi rigningu og hávaðaroki að fara að pakka inn timbri sem var í innkeyrslunni hjá oss því að það var ekki neitt fúavarið eða neitt og plastið var allt fokið af því og það rigndi á það... Svo að ég bara tók mig til í fína djammgallanum og netasandölum og pakkaði inn flísunum... Sem síðan um morguninn voru barasta aftur orðnar óvarðar svo að þetta var kannski ekkert svakalega nauðsynlegt verk hjá mér...
En jæja, það má alltaf reyna ;)
Þar til síðar...

Já, þá er verslunarmannahelgin búin og ég kláraði hana með stæl!! Varð veik!! : Ég get svarið það að mér hefur sjaldan liðið eins aulalega eins og þegar ég hringdi í vinnuna í morgun og sagðist vera veik... :S En jæja, svona er lífið og maður getur víst ekki ráðið við það að maður vinnur á stað þar sem bakteríurnar sitja um mann...
Helgin var rosalega fín, á föstudag var lítið gert, óskaplega rólegt svona fyrir utan eitt skrýtið atvik sem ég vil nú helst af öllu bara sleppa því að pæla í og vona að gerist ekki aftur hehh... En á laugardaginn þá var sko tekið almennilega á því, ég og Anna og Rakel skelltum oss í bæinn og það var ekki fátt um fólkið á svæðinu skal ég segja ykkur!! Enda skemmti ég mér alveg svakalega vel og var ÖLL í plögginu, svona fyrir aðra en sjálfa mig það er að segja... Anna fann upp á sniðugri leið fyrir mig að snúa fína nýja BLING hringnum mínum við og þá lítur hann bara alveg eins og giftingarhringur út!! Hahha... Svo að þannig varðist ég árásum kjánalegra gaura og gamalla manna, svona svo ekki sé minnst á ameríkana!!
Fréttirnar segja okkur að hátíðir helgarinnar hafi bara farið nokkuð vel fram, svona stöku atvik hér og þar eins og til dæmis kýlingar af einhverjum óþekktum ástæðum sem hneyksluðu mig afar mikið svona ef ég á að segja alveg eins og er... En þannig er lífið, kemur sífellt á óvart :D
Vonandi nutuð þið helgarinnar elskurnar, ætla að hætta að tjá mig í bili, enda fátt fleira að segja :)
Þar til síðar...