Jáhhá...
Sit á bókhlöðunni að láta tímann líða lúsarhægt þar til ég get farið í málvísindatíma og haldið áfram með framhaldssöguna um þá Alla og Kalla... Hvor ætli vinni í dag ;) Hehe...
Nema hvað að ég staulast inn á www.visir.is og sé þessa líka ótrúlegu frétt um 45 ára gamla konu í Danmörku sem var læst inni á baðherberginu sínu í heila VIKU!! Spáið í þessu, nema hvað að fréttin endaði á því að konan var banhungruð þegar hún fannst, en hafði svona skiljanlega haft nóg vatn ;) Hehe... Heppilegt verð ég að segja :D
Mis gaman að þessu börnin góð :)
Ég vaknaði í morgun klukkan 7.15 og skreið fram úr, með það fyrir augum að það væri mín einlægasta ósk að vera bara í rúminu í dag og sofa... Þetta er ekki heilbrigt hvað ég er búin að sofa mikið á tveimur dögum!! En jæja, ætli ég sé ekki bara að vinna upp allt svefnleysið upp á síðkastið ...?
Nema hvað að þegar ég var að raða í tösku og vissi að ég yrði í skólanum til 5 þá hafði ég ekki lyst á því að vera að dröslast með allar þungu bækurnar svo að ég kom bara með möppu og blokk með blöðum... Hehe... Snjöll stúlka hún ég ;)
Nema hvað, á morgun er föstudagur og það er stefnan hjá mér að læra á morgun :P En ég sé ekki fyrir mér að nein kraftaverk verði unnin á morgun þar sem að hann Atli litli bróðir er víst lasinn heima, það má ekki vera þannig því þá freistast ég alltaf til að vera í einhverju brasi með þeim sem er heima frekar en læra ;) Sem dæmi má nefna að síðasta föstudag þá voru bæði Atli og mamma heima út af vetrarfríi og ég tók til í herberginu mínu! Jájájá... Alveg góð á því :)
Helgin verður eflaust með rólegra lagi, en þar sem mér áskotnuðust smá peningar í fátæktinni núna um daginn þá hef ég ákveðið að skella mér í búðarferð alein að kaupa jólagjafir núna um helgina, svo að ég sólundi því ekki öllu í eitthvað rugl! :D En það er fínt... Verð eflaust alveg spræk á því, en það mega allir vera í bandi við mig, það þykir mér alveg afspyrnu gaman ;)
Það er nú góða veðrið samt, þó það sé kalt og snjór og svona þá er svo stillt eitthvað að mig langar helst að fara heim og í snjógallann hans pabba og svo bara út í langan labbitúr :P
En ég hugsa nú að ég láti ekki af því verða í bili, má nú ekki fara að næla mér í þetta kvef og hálsbólgu sem allir eru með núna... 7, 9, 13 :P
Dagarnir líða samt alltof hratt núna og ég er ekkert mikið hress með það hvað prófin eru að nálgast hratt, ég er víst ekki búin að vera nógu dugleg að sitja við og lesa :$ En það verður bætt úr því... Eikkva... Á komandi árum eða eikkva...? :D Hahah.. Djók...
En það er komið smá nett jólaskap í mína... Sem er kannski full snemmt en ok, reynum bara að stilla því í hóf :P
Man eftir þessum tíma í fyrra, það er skrítið að rifja þann tíma upp... Maður verður mjög hugsi ;) Margt sem var að ske þá sem virðist alveg ótrúlega fjarlægt núna en SAMT eins og það sé svo stutt síðan... Hmmm?
En jæja, nóg um það... Maður á nefnilega ekki að hanga í fortíðinni, enda er það ekkert gaman, bara horfa bjartsýnn á framtíðina ;) Hún er svo spennandi ;D (Smá bjartsýniskast í gangi hérna hehe)
Allavega, þá nenni ég ekki að skrifa meira í bili... Skrifa meira þegar ég hef tíma, og er ekki sofandi hahaha.. :D
Ciao...