Júhú og jibbí ;) Hehhe kom að því að ég myndi skella einhverju hérna inn... Alger sauður að skrifa ekki en það er bara alltaf eitthvað svo brjálað að gera ;)
Það er nú ýmislegt búið að vera að gera hjá mér og náttúrulega það sem ber einna hæst er að ég fór í fyrsta skipti til útlanda!! :D Reyndar ekki langa ferð, bara 3 daga, en samt utanlandsferð og það alveg hreint stórkostlega skemmtileg utanlandsferð :D Ég og Anna mín vorum eins og allir vita að fara að heimsækja hana Auði okkar og Ottó hennar til Danmerkur þar sem þau búa núna... Ætla að byrja á því að segja frá fimmtudeginum áður en við fórum út, það var þannig að ég var búin í vinnunni klukkan hálf fjögur og þá var svona farið að síga í mig smaaaaá stress... Fór heim og tók úr þurrkara og svona og kláraði að pakka niður... Nema hvað að ég var bara alveg svona sæmilega róleg... Pínu stressuð því ég var alveg algerlega sannfærð um það að ég væri að gleyma einhverju en svo hugsaði ég það bara þannig að ég var með allt nammið sem ég átti að taka með til auðar og smá föt til skiptanna og tannbursta og svona basic snyrtivörur þannig ég var svona nokkurn vegin set to go ;)
Nema hvað að svo bara fór fimmtudagurinn þannig að það kom kvöld og ég var orðin svona sæmilega róleg þegar ég ákvað bara að leggjast upp í rúm og fara að sofa... En hún Karó litla var ekki lengi í paradís því að þegar ég var lögst niður þá hringir bróðir minn í mig og var fastur niðri í bæ og ég varð að fara og ná í hann... Jæja, ég skellti mér af stað og fór að ná í bróann og þá fékk ég annað símtal og þurfti að koma við á einum stað í viðbót til að fara og leggja á minnið útlit á vörum sem ég átti að taka með í fríhöfninni á leiðinni heim... Nema þegar ég var búin að þessu öllu saman þá var ég orðin svo YFIR stressuð að ég bara skilaði kvöldmatnum mínum þar og þá úti á stétt! :$ :D
Jesús minn, það sem maður getur ekki gert sjálfum sér... Því eftir allt þá er þetta náttúrulega bara í hausnum á manni... Nema hvað að þegar ég kom heim þá var ég svo búin á því, búin að stressa mig svona til égveitekkihvers... Að ég bara steinsofnaði og svaf alla nóttina. Nema hvað, á föstudagsmorguninn þá vaknaði ég svo pollróleg að ég held bara hreinlega að ég hafi aldrei verið svona róleg áður... !! :O Fór í sturtu og lagaði mig aðeins til og svo kom Anna að ná í mig og pabbi hennar keyrði okkur út á flugvöll ásamt múttu hennar og systurdóttur, þannig að við höfðum bara hið fínasta fylgdarlið þegar við fórum út... :P
Ég tók þarna flugveikipillu á flugvellinum og náði mér í smá gjaldeyri og svona, var strax farin að hlakka til að eyða peningum ;) Hehehe... Nema hvað að flugið út gekk svona líka glimrandi fínt og ég var bara alveg SALÍ róleg allan tímann :D Þegar út var komið tóku Auður og Ottó á móti okkur og við skelltum okkur í lestina, sem var líka ótrúlega gaman! :D Hehhe... Þessa sömu helgi fór ég í flugvél, lest og neðanjarðarlest... Óskaplega gaman :D Dagarnir fóru mikið í að versla bara eins og við ættum lífið að leysa og kom ég nú bara þónokkuð sátt út úr þessu með mikið af flottu blingi og fínum fötum og kvöldin voru bara svona frekar róleg, fórum út að borða á laugardagskvöldinu á stað sem heitir The President í Fisketorvet og það var bara alveg svaka notó hehhe... ;) Það var semsagt á heildina litið alveg ótrúlega gaman að koma til þeirra og þau tóku alveg svakalega vel á móti okkur og þakka ég enn og aftur fyrir gestrisnina krakkar!! :*
Eini gallinn við þetta allt saman var það að það var alveg svakaleg seinkun á flugvellinum á leiðinni heim og við urðum að bíða í 9 tíma, en fyrst ég og Anna fengum ekki nóg af hvor annarri þar og ég datt EKKI í það þá á hvort tveggja alveg definetly ALDREI eftir að gerast! :D
Tíminn eftir þetta er búinn að vera svona fremur mikið einkenndur af því að vera bara sem rólegust, djamma reyndar soldið mikið en það er bara gaman að því :P
Bergdísin mín átti afmæli 10. nóv, einu sinni enn til hamingju með það rúsla mín ;*
Og þar með er ég bara eiginlega búin að telja upp það sem ég er búin að vera að gera ;) Spennandi ekki satt?! :D Hehhe...
Ein lítil skemmtileg kjánasaga af mér og mínum, bara svona því þær eru alltaf svo skemmtilegar svona alveg í blálokin ;)
Ég skrapp nefnilega með múttu minni og honum pápa í smá verslunarferð á föstudaginn eftir vinnu... Allt gott og blessað með það, nema hvað að þegar við vorum svona á leiðinni heim þá ákvað pabbi að skutlast aðeins inn í 11-11 og kaupa eitthvað smálegt og ég og mamma ákváðum að vera kuldaskræfur því það var svo kalt og biðum úti í bíl... Þegar pabbi var ný farinn inn í búðina þá segir mamma við mig : Sko, þó manni finnist alltaf eins og maður sé búinn að pissa á sig þá ætla ég að setja þennan sætishitara í gang því það er svo hrikalega kalt!! Nema hvað að pabbi kemur úr búðinni og sest upp í bílinn og við leggjum af stað heim og einmitt þegar hann var að renna út af planinu þá segir mamma : Ohh, þarna kemur þessi kjánalega tilfinning sem maður fær alltaf þegar maður er búinn að pissa á sig!! Og pabbi náttúrulega gargaði upp yfir sig HA?! En ég og mamma hlóum svo hrikalega að við bara hreinlega gátum ekki sagt honum hvað þessi pæling hafði gengið út á fyrr en lööööngu seinna! :D Svona erum við orðheppin stundum, góð með orðin ha ;) Hehhe...
En jæja, það eru nú sennilega ALLIR hættir að lesa ef einhver nennti að byrja, en fyrst ég var að þessu ákvað ég að gera þetta bara almennilega ;) Hehhe...
Þar til næst... ;)