Jú jú... Staðurinn? MH. Stundin? Síðasti tími dagsins. Fagið? Þjóðhagfræði. Þarna sat ég ásamt formúludúllunni og við vorum að hlusta á kennarann tala um þjóðhagfræði, þetta er það versta sem hungruð heimþráarhrakin manneskja getur lent í og þarna vorum við fastar... Úff, en síðan kom hjálp úr ólíklegustu átt!!!! Kennarinn lítur á okkur og segir: Elskurnar mínar! Þið eruð eins og dæmd... Eigum við ekki bara að fara heim? Og þar með var mínum degi bjargað, þessi undursamlega kona reddaði bara deginum og ég gekk þaðan út lítandi bjartari augum á lífið og tilveruna... Það var mjög skemmtilegt sko! :D En jú, ég skrapp aðeins í Kringlið og þar fann ég bol drauma minna!!!!! En hann gat ég eigi keypt því ég hef einfaldlega ekki krónu í vasa mínum fyrir nýjum fötum þessa stundina, einn af ókostum þess að vera stritandi námsmaður... Síðan skellti ég mér í strætó og lenti í þeirri skemmtilegu reynslu að vagninn keyrði alveg ótrúlega furðulegur maður sem sagði alltaf "Gjörið svo vel" mjög hátíðlegri röddu þegar einhver kom um borð eða fór frá borði í þessum gula snigli sem slugsaðist áleiðis heim til mín... :P Þetta var á efa spaugilegt að sjá manninn og hvað honum þótti þetta gaman, svona hef ég ekki séð strætóbílstjóra skemmta sér áður og ég var þessum manni mjög þakklát fyrir að njóta starfs síns svo mikið því ég hafði gleymt útvarpinu mínu heima og ég hafði ekkert áhugavert að hlusta á... :) Já, það getur verið skemmtilegt að fara í strætó ef maður bara lítur þessa reynslu jákvæðum augum! ;) Snjórinn er skemmtilegur þessa dagana og þar sem ég er búin að koma mér út úr húsi og ekki lasin lengur þá er þetta alveg einstaklega skemmtilegt uppátæki hjá landinu okkar litla.... ;) Já, ég virðist ekki hafa neitt áhugavert að segja í dag svo ég ætla bara að hætta að þvaðra... ;) Hafið það gott elsku dúllurnar mínar!!!! :*