Jájá börnin góð...Þar sem ég á einstaklega erfitt með að einbeita mér núna þá ætla ég að koma með smá frásögn frá síðustu viku hjá mér... Ég get sko sagt ykkur það að þetta var ekki mín vika get ég sagt ykkur... Þetta byrjaði allt saman með því að ég var á skemmtistað á laugardagskvöldið þarsíðasta og þá finn ég að bakið á mér er að fara í hnút, ég var nú ekkert að kippa mér upp við þetta þar sem þetta gerist alltaf annað slagið og þar sem ég var búin að vera frekar stressuð upp á síðkastið þá var svona eiginlega við þessu að búast... Nema hvað að það bara hélt áfram að fara í hnút og fara í hnút þar til að þetta var bara orðið verra en nokkurn tíman áður... Nema hvað að ég fer heim og tek íbúfen og fer að sofa, það virkar nú yfirleitt svona til að lina það versta en ónei, þetta var sko ekkert venjulegt, morguninn eftir vaknaði ég grátandi því ég fann svo til og mamma varð að draga mig upp úr rúminu því ég hreinlega gat það ekki sjálf... Allt í lagi með það ég hélt bara áfram að taka ótakmarkað magn af íbúfen og hélt þetta myndi lagast... Þegar þetta var ekkert skárra á mánudeginum þá ákvað ég að fara til læknis, ég átti að fara í verklega prófið í táknmálinu þarna á þriðjudeginum og þá gengur eiginlega ekki að vera eins og spýta og geta ekkert gert, nema hvað að læknirinn tekur á mér, og það ekki beint blíðlega og segir mér það að nú sé bara kominn tími á mig að fara til sjúkraþjálfara og ekki nóg með það heldur spurði hún mig "hvern andskotann" ég hefði verið að gera... Sérstök kelling þetta!! Nema hvað að hún skrifaði upp á alls kyns pillur fyrir mig að taka og sendi mig heim... Nú hélt ég að það versta væri yfirstaðið og fór heim og fékk mér að borða og tók pillurnar mínar, horfði á LOST og ákvað svo að fara bara að sofa þar sem ég átti að fara í prófið klukkan 10 morguninn eftir :) NEI ÓNEI haldiði ekki að ég hafi bara vaknað klukkan 1 og verið vakandi til klukkan 7 um morguninn með þá verstu ælupest sem ég hef fengið á ævinni... Og það sem verra var var að öll fjölskyldan var veik sömu nóttina... Þetta var svakalegt, þannig að þegar ég átti að mæta í prófið þá var ég svona nánast meðvitundarlaus og endaði á að þurfa að senda kennaranum mínum sms og afboða mig í prófið... Nema hvað að síðar um daginn var svaka veisla þar sem hann afi minn elskulegi varð 80 ára þennan sama dag, svo að ég gerði allt sem í mínu valdi stóð til að verða eins hressileg og ég gat, en þar sem ég ældi öllum pillunum sem ég hafði tekið við bakinu um nóttina og gat ekkert tekið um morguninn þá var bakið aftur komið á byrjunarpunkt... Jú, en hörkutólið hún ég drattaðist á fætur og fór í veislu alveg glær og ónýt hehe, það var mjög spes, en frábært samt að geta farið :P En jæja, eftir þetta voru hrakföllin svona að mestu búin og ég tók bara alla vikuna í að jafna mig í bakinu... :)Svo komu páskar, já ójá!! :D Ég var sko búin að hlakka mikið til að fá páskaegg og ég varð ekki fyrir vonbrigðum með það þetta árið frekar en vanalega, þetta var alveg obbolega næs og kósý og ég var bara tiltölulega róleg í djamminu þessa páskana, fór aðeins á föstudaginn með önnu, rakel og honum binna okkar sem var hér í heimsókn um páskana, það var voða fínt, en annað en það þá var ég bara róleg :) Kraftaverkin gerast enn börnin góð :P Nema hvað að ég átti að taka prófið sem ég missti af í síðustu viku í hádeginu í dag en var ekki búin að fá nákvæma tímasetningu, átti að fá hana í morgun svo að ég ákvað að fara bara snemma í bólið í gær og vakna snemma til að vera fersk í prófinu, svo vakna ég í morgun klukkan hálf sjö skjálfandi á beinunum og með fossandi blóðnasir!!! Merkilegur fjandi þetta gerðist líka þegar ég átti að fara að taka verklega ökuprófið mitt!! :| Nema það að mér tókst nú að stöðva blóðnasirnar og koma mér svona nokkurn veginn á réttan kjöl þegar ég fæ sms frá kennaranum mínum um það að prófdómarinn komist ekki í dag og ég eigi að mæta í fyrramálið, þannig að ég fékk mér bara morgunmat í rólegheitunum og er núna að reyna að koma þessari ritgerð á eitthvað skrið hjá mér, en það gengur ekkert sérlega vel þar sem einbeitingin held ég að hafi bara gufað upp með öllum hrakföllum síðustu viku...
EN jæja, þá er ég hætt bara, ætla að stefna að því að hafa þessa viku bara mjög næs og þægilega og vera dugleg stelpa og læra eins og vitleysingur ;)
Wish me luck darlings... Reyni að vera duglegri að skrifa aðeins hér inn svona í fremtiden ;)
Þar til síðar... :)