Jamm, það er nú fátt sem mér finnst öllu leiðinlegra en að vera ein í eyðu í skólanum... Það er EKKERT að gera hérna af viti nema bara hanga í tölvu og láta sér leiðast... :| Annars er ég nú samt mjög hress núna sko, búin að vera bara þónokkuð hressileg alla helgina, náðist meira að segja mynd af mér á einum af skemmtistöðum borgarinnar þar sem ég brosi út að eyrum, með hið mesta sólheimaglott, en það er bara flott! :D (Vó... Þetta rímaði meira að segja... :D) Anyways... Já, ég fór á djammið um helgina, þó að ég hefði nú kannski betur verið heima og slappað af og reynt að ná þessu kvefi úr mér sem er búið að vera að bögga mig svona lítillega upp á síðkastið, en þar sem þetta er nú ekkert stórhættulegt þá ákvað ég að skella mér bara soldið út... Sem var bara þónokkuð skemmtilegt skal ég segja ykkur, þó svo að "úrvalið" hafi ekki verið upp á marga fiska! ;) Hahha... En reyndar var ég nú bara róleg á þessu og hegðaði mér alveg rosalega vel núna um helgina.. :) Svo var sálfræðipróf í morgun sem ég var í allan gærdag að rembast við að reyna að einbeita mér að læra fyrir, ég bara GAT engan vegin einbeitt mér að bókunum, en það var bara allt í lagi því mér tókst að þræla mér í gegnum námsefnið einu sinni og það virðist hafa nægt alveg ágætlega, mér allavega fannst mér ganga vel í þessu, leyfi ykkur að heyra hvað kemur út úr þessu... Nema það verði eitthvað hræðilegt! :D Þá fær enginn að vita ;) Allavega... Þá er þetta bara svona, mér bara hundleiðist í skólanum akkúrat núna, í dag er alveg ógeðslegur dagur, en það var tími í fyrsta tíma og svo kemur rúmlega tveggja tíma gat af því að það er skólafundur í þriðja tíma, svo er einn tími og svo aftur rúmlega tveggja tíma gat og svo er útskriftaráfanginn þannig að ég er ekkert búin fyrr en klukkan hálf fimm og þó er ég bara ða fara í þrjá tíma!! Er EITTHVAÐ sens í þessu?! Nei, hélt ekki! ;) Svo er bara mánudagur í dag og áður en maður veit af er kominn föstudagur aftur og helgi og allt að verða vitlaust! :D En aumingjans litli bróðir situr heima og gerir ekki neitt því að það eru allir grunnskólakennarar í verkfalli, reyndar sagði pabbi við hann að "því miður færi hann ekkert í skólann í dag þar sem það væri verkfall" og hann sat við eldhúsborðið með brosið ALLAN HRINGINN því hann var svo spenntur fyrir því að þurfa ekkert að fara í skólann í dag! :D Hahha.. En það er svona þegar maður er 11 ára þá finnst manni þetta alveg toppurinn á tilverunni að fá að sleppa því að fara í skólann og það batnaði nú bara þegar hann fékk að heyra það að það yrði ekki fundað aftur fyrr en á fimmtudag! :D Hahha... En svona er lífið skemmtilegt, nú ætla ég að fara að hætta þessu þvaðri og gera eitthvað annað, eins og að athuga hvað aðrir hafa verið að þvaðra ;) En ég læt í mér heyra... Bara engin leið að segja um hvenær það verður næst! :D Gúddbæ :P