JÚHÚ!!! ;) Hæjó allesammen... Mín er bara mætt í íslenskutíma hér alveg í góðum gír, er ekki alveg að nenna að gera neitt svo að ég ákvað að skella smá fróðleik hérna inn... :P Ég er alveg öll kát, fyrir utan það kannski að í gær uppgötvaði ég að ég er barasta komin með tannpínu.... :'( Ég hef sko aldrei fengið tannpínu áður og þetta var því mikið sjokk fyrir mig að sjá að ég er bara með eina rosa skemmda tönn!! :( Nott gúdd! Allavega, þá ætla ég ekki að væla meir yfir þessu, enda held ég að ég sé barasta búin að væla alveg nóg... :) Nú ég er búin að bralla ýmislegt síðan á mánudaginn, mamma mín átti ammili á miðvikudaginn!!!! Elsku dúllan mín hún mamma, unglambið mitt og ástin mín eina, og við höfðum það bara þónokkuð gott á afmælisdaginn hennar, tvær af systrum hennar kíktu í heimsókn og í kjölfarið fylgdu amma og afi og síðast en ekki síst kom Nóttin með alveg OFSALEGA flottan blómvönd handa mömmu!!!! Sæta stúlka :) Mamma var rosa ánægð sko!! :P Já, svo í gær var svona soldið skrýtinn dagur... Ég var á leið til læknis að fá vottorð þegar ég uppgötvaði tannpínuna og svo kom ég heim og fékk eiginlega bara pínku lítið taugaáfall sem ég vil halda fram að stafi af þreytu eða eitthvað allavega þá fór mín bara að hágráta yfir þessum hræðilegu örlögum tannarinnar minnar, síðan varð ég alveg ofsalega reið og fékk smá útrás í tæbó :P En síðan varð ég alveg ofsalega þreytt og svaf alveg í 10 tíma eða eitthvað álíka í nótt... Allavega þá er þessi þreyta og þessi pirringur og leiðindi FARIN og nú er ég orðin ég aftur! :D JEIJ!!!! Nú eru eflaust allir þessir 3 sem lesa þessa síðu alveg mjög fegnir ;) Djók ;D Já, í dag er búinn að vera AFAR langur dagur, mér finnst eiginlega að þetta sé búið að vera alveg óLÖGLEGA lengi að líða sko... En þetta er ágætt, svo er bara að fara heim og slappa af, ég er ekkert búin að þurfa að fara í blaðburð síðastliðna tvo daga því minn elskulegi bróðir er barasta veikur, og ég þarf ekki einu sinni að fara á morgun held ég... Allavega kemur það eitthvað í ljós síðar í dag.. :) Já, ég held ég sé alveg að fara á límingunum... :D Í kvöld er söngkeppni MH og það verður efalítið mikið stuð þar, ég ætla vitanlega að skella mér og Krútturúsínan mín ætlar að taka lítið lag þar... Þetta verður stuð, og svo ætlar ein af vinkonum úr hryllingsskólanum að mæta með gaurinn sinn sem ég hef enn ekki séð og hlakka ég mikið til að sjá hann!! :D Um helgina er málið að setjast við sjónvarpið og horfa á Friends, American Idol, Svínasúpuna og svona gotterí svo ekki megi gleyma maraþon sýningu á sunnudaginn á nágrönnum liðinnar viku, sem er alveg POTTÞÉTT must see hjá mér! :D Hlakka mikið til, þess á milli má eflaust finna mig með nefið grafið í bók inni í herbergi eða frammi í stofa EÐA að þrífa herbergið mitt, og þar sem þið sjáið þessa OFUR spennandi dagskrá hjá mér fyrir helgina þá megið þið endilega vera í sambandi við mig um helgina og segja mér eitthvað sniðugt, og alltaf er nú gott að minna fólk með tannpínu á að nammi er alger bannvara! ;) Hahahhahh... Já, ég er alveg hress núna sko, held að sessunautur minn í íslensku hafi kannski mögulega smitað mig smá, en hún er svona líka svakalega hamingjusöm í dag að það er barasta alveg svakalegt !! :D Já, það er alveg gott að láta smita sig af svoleiðis sko!! :P Í næstu viku eru svo lagningardagarnir hér í MH og ég er farin að hlakka alveg óstjórnlega til og meira að segja komin með svona smá niðurtalningu innra með mér, því að lagningardagar eru sko 100% eitthvað sem ég á eftir að sakna mikið úr MH!! :D Þetta er alveg ofsalega skemmtilegur tími og sú tilhugsun að ég sé að fara að upplifa þetta í síðasta skiptið á ferli mínum hér er alveg mjög sorgleg, en ég kíki þá bara kannski í heimsókn næst þegar þeir verða, enda verður litli stóri bróðir væntanlega hér enn... :P Já, þetta er allt saman alveg svakalega áhugavert, ég dreg það nú reyndar all svakalega í efa hér að það sé nokkur maður sem les þetta allt saman til enda, nema kannski pabbi minn, elsku krúttið sem les víst síðuna mín alveg reglulega..! :D Jáhh... Eins gott að vara sig á því hvað maður skrifar hér þá!! ÉG ER AÐ LÆRA Á FULLU HÉRNA PABBI!! ;) ( Ekki að blogga í tíma þegar ég á að vera að vinna... :P) Nei nei, ég segi svona... Nú er bara þessi önn og ein eftir og þá er ég búin með þennann blessaða skóla... Furðulegt að hugsa til þess þar sem mér finnst ég vera nýbyrjuð í MH.... Og hér er maður búin að eignast vini fyrir lífstíð og lifa stundir sem maður gleymir aldrei, fyrir það á ég alltaf eftir að elska þessa stofnun!!!! :D Já, svo er spurningin sem brennur á vörum allra, HVAÐ KEMUR SVO?!?? En eins og flestir sem mig þekkja vita þá er ég náttúrulega alveg búin að ákveða nákvæmlega hvað kemur svo, þannig að ég er alveg í góðum málum!! :P Já, í dag ætla ég svo að hringja á litla sæta dúllurúsinu rólóinn minn og athuga hvernig ég fer að því að fá ða vinna þar aftur í sumar, því að ég er alveg búin að ákveða að mig langar svaka mikið til þess, dreymdi einmitt um daginn að ég var þar og var að vinna og ég fylltist skyndilega tilhlökkun til sumarsins... :D Gamangaman... :P Talandi um drauma þá dreymdi mig alveg einstaklega furðulegann draum í nótt, eða kannski frekar í morgun... Ég var í tíma í stofu sem ég hef aldrei séð áður, svo kom ég út og þá var Drottningin að stíga út úr strætó þar og ég tók hana á tal, þegar ég var að spjalla við þessa vinkonu mína fann ég hversu þung skólataskan mín virtist vera svo að ég tók hana af mér og lagði hana niður, nema hvað að þegar ég geri þetta þá barasta byrja ég að takast á loft!! Og ég gat ekki lent aftur og þegar ég ákallaði blessaða vinkonu mína um hjálp þá bara hló hún að því hvað ég væri mikill auli að komast ekki aftur niður... Og síðan bara sveif ég eitthvað út í loftið, hærra og hærra þar til ég vaknaði!! :O Skrýtið!!! Allavega, nú er ég búin að vera alveg ótrúlega lengi að skrifa hér og kennarinn minn hlýtur að álíta að ég sé búin að vera alveg ROSALEGA duglega að læra, enda á ég í raun ekki að vera hér lengur en svona 10 mín í viðbót... :P Allavega, verið góð börnin mín og látið í ykkur heyra!!!! ;) Bbææbæbæbæbæbæb :*