Já, það er rétt... Það er ekki mannlega mögulegt að vera ALLTAF hress, og stundum gerast hlutir sem manni þykja skemmtilegir og stundum gerast hlutir sem manni þykja ekki skemmtilegir... En svo kemur það líka fyrir að það gerist ekkert, en samt er maður ekki hress... Eiginlega er maður bara óhress... Og hvað gerir maður þá? Jahh, það er nefnilega málið... Hvað á maður að gera þegar maður er óhress en veit ekki af hverju, maður finnur enga mögulega skýringu á því að mann langi helst að fara og leggjast upp í rúmið sitt og gera EKKERT og vera bara einn? Jahh, það allavega þýðir ekki að þykjast hress.. Jú, kannski í gegnum netið þegar maður er að tala við fólk í gegnum spjallrásir af því að þá sér viðmælandinn mann ekki og maður getur þóst voða skemmtilegur þó maður sé það alls ekki neitt... En þegar maður situr fyrir framan fólk og það spyr mann hvort maður sé ekki hress og maður er bara hreinlega EKKERT hress þá er ekki hægt að hylja það... Nei, maður getur ekki sagst hress og brosað vegna þess að þá sést að það er ekki ekta bros, en það er heldur ekki hægt að segja nei, ég er ekki hress, mér líður bara ekki vel, vegna þess að þá er þess krafist að maður útskýri af hverju maður er ekki hress.. Hmmmm... Og svo getur maður ekkert útskýrt það og þá heldur viðkomandi að maður sé að skrökva, ég meina ef þið værðu að tala við einhvern sem segðist alls ekki hress en vissi ekki af hverju, þá spyrjið þið svona nei í alvöru hvað er að?! Já, stundum er ekkert að en samt er maður ekki hress... Það er mjög furðuleg tilfinning sem getur gripið mann en kemur sem betur fer mjöööög sjaldan fram, næstum því jafn sjaldan og 29. febrúar... En þetta er tjáningin í dag, dagurinn í gær var mjög spes og endaði með smá skandal að minni hálfu sem ég hafði AFAR gaman að! :P En nú er ég hætt með þetta rugl og þessar pælingar, því að það er nefnilega lögmálið að maður les þetta daginn eftir og hlær.. Hvað var ég að spá?