Jæjahh... Haldiði ekki bara að kjéllingin sé að blogga!! Hvað kemur til kunnið þið að spyrja ykkur, en ég get alveg sagt ykkur fáu sem lesið þetta bull í mér það... Þannig er það nefnilega að ég er búin að vera alveg brjálæðislega geðveikislega upptekin síðastliðnar vikur og lítið um svefn og slíkan munað þannig að ég nýti mér hvert tækifæri til að ná mér í smá kríu og er ekkert búin að komast í tæri við tölvu í langan tíma... En nú er ég að sjá mér færi hér að skrifa pínkulítið svo að ég ætla bara að nýta mér það :P

Margt að ske, mikið að gera, þó er ekkert svo margt að frétta þannig, allavega ekkert sem maður er að hafa fyrir því að hafa uppi hér sko... Nema það að ég er komin með bílpróf!! :D ÓJÁ!! Haldiði ekki að snillingurinn hafi náð prófinu í fyrstu tilraun!! :D JEIJ!!! Þetta er ótrúlega skemmtileg tilfinning að vera búin að þessu skomm... Búin að æfa mig mikið á Yarisinn góða og ég þakka fyrir það tækifæri ;) En ég er alveg ótrúlega hress með þetta, þetta er náttúrulega hluti ástæðunnar fyrir því að ég var alveg að KAFNA í ökutímum og ekki nóg með það heldur var ég yfirleitt klukkan 22 á kvöldin!! Sem var alveg hreeeekalegt þar sem þessi tími er svo asnalegur, slítur kvöldið alveg í sundur á versta stað og ekkert hægt almennilega að gera þannig að ég var bara í svekkelsinu, enda vilja náttúrulega allir hitta mig sko ;) Hehhe...

Ummm... Já, ég er byrjuð að vinna á róló aftur núna, það er þannig að leikskólinn minn verður núna lokaður í mánuð og ég ákvað að skella mér bara á gamla góða rólóinn minn og mér líður bara ekkert smá vel að vera komin þar aftur! :D Enda held ég svei mér þá að ég hefði þá bara tekið mér frí ef ég hefði ekki fengið þetta djobb :) Þó svo að það sé nú tæpt á því að ég hafi eitthvað efni á því að vera eitthvað að taka mér frí, þarf að borga einhvern 103.000 kall fyrir bílprófið og svo er líka 45.250 kr takk fyrir fyrir háskólann !! Spáum í þessu í smástund... ÖSS!!!!

Djammið er búið að vera mín sérgrein allavega um síðustu helgi... Langa helgin sem fól í sér 17. júní og öll herlegheitin var ekki besta helgin mín, mín fékk pest í annað skiptið í stuttann tíma og var bara ALVEG í ruglinu... Fékk einhvern 40 stiga hita og massa hóstamixtúru og læti til að reyna að koma mér í gang... Þannig að ég missti af öllu djammi og öllum hátíðarhöldum... En með hjálp mömmu og pabba sem eru 100% BEST og BESTU BESTU BESTU vinkonu í heiminum og fleira góðs fólks, þið vitið hver þið eruð ;) tókst mér bara að vera nokkuð hress í gegnum þetta allt saman, sumir héldu í mér lífinu í gegnum síma, eina manneskjan í heiminum sem ég hleypi heim til mín þegar ég er veik kom og SLEPPTI því að djamma á 17. júní til að hanga heima með mér!!! ÓJÁ! Ég er svo sannarlega heppin að eiga svona frábæra vini!!!!! :D Og mamma og pabbi, sem keyptu handa mér sjeik og candy-floss og voru bara yndisleg alla heilu helgina!! Þetta var svo sannarlega ekkert hræðilegt skohh!!!! :D

Ég komst ekki í saumaklúbb júnímánaðar og biðst hérmeð formlega afsökunar á því, en hann vildi svo skemmtilega til að var einmitt þegar ég var lasin og komst ekkert út... Svo ég vona að ég sé alveg í góðu samt ;)

Svo er það eitthvað ótengt mér... Eða samt ekki, en svona eitthvað... Sko, ég vil bara koma á framfæri skoðun minni á þessu máli með ákveðin slúðurrit hér á landi og allt þetta vesen með hann ákveðinn þekktann mann hér... Þannig vill til að ég er enginn sérstakur aðdáandi þessa ákveðna aðila, og skal alveg viðurkenna það að hann hefur stundum farið í taugarnar á mér í ýmsum athöfnum sínum, en það er ekkert sem afsakar þessar árásir á hans einkalíf sem hafa verið í fjölmiðlum núna nýlega! Það skal þó tekið fram að hann er ekki einn um það að hafa lent í þessum hrægömmum og mér finnst ekki gaman að hugsa til þess að meira að segja við meðaljóninn sem gerum ekkert sem vekur athygli fjölmiðla og lifum bara lífinu óþekkt getum lent í svona opinberum árásum... Mér finnst alveg frábært að þetta sé í umræðunni og vona bara að þetta verði tekið fyrir hjá dómstólum, þannig er nefnilega að margt af þessu fólki sem starfar við þessa blaðamennsku er bara algerlega siðblint og ég hef aldrei haft neitt sérstakt álit á þessu fólki, en ég er algerlega búin að vera orðlaus yfir þessu. Mér finnst ég ekki eiga neitt að vera að fara út í nein smáatriði því að það eina sem ég hef heyrt af þessum fréttum hef ég heyrt utan af mér, ég les ekki svona sorprit og styð ekki svona blaðamennsku. Allavega þá langaði mig bara aðeins að koma þessu áliti mínu á framfæri, en ég átta mig á því að þetta er ekki skoðun allra... :)

Jæja, nú er ég búin að skrifa alveg helling og hefði kannski átt að byrja á þessum boðskap mínum þar sem það verða eflaust allir búnir að gefast upp sem reyna á annað borð að byrja að lesa þetta! :D Hehhe.. En nú er ég hætt, ég skrifa vonandi innan hálfs árs aftur ;) Hehhe... Takk fyrir mig. :)